Together for Life është në fazën e aplikimit të projektit “Zbatimi i nismës për të pasur një zonë të pastër nga plastika”, me mbështetjen financiare të GIZ.
Objektivi i projektit 1-vjeçar është që gjatë periudhës së zbatimit (Tetor 2023 -Tetor 2024), rreth 700 biznese të identifikuara dhe përzgjedhura në 9 rajone (shiko më poshtë), përfshi hotele, bare, restorante, etj, të reduktojnë vullnetarisht përdorimin e plastikës një-përdorimshe brenda periudhës periudhës, duke siguruar prova për këtë.
TFL në këtë fazë po kërkon të identifikojë dhe përzgjedhë 9 koordinatorë, respektivisht në zonat ku do të zbatohet projekti: Tiranë, Durrës, Korçë – Pogradec, Shkodër, Fier – Berat, Tepelenë – Gjirokastër, Kavajë – Lushnjë, Vlorë, Elbasan – Belsh.
Të interesuarit, duhet të jenë banorë në një nga zonat e përzgjedhura. Ata duhet të dërgojnë deri më 20.09.2023, ora 17:00, në adresën info@togetherforlife.org.al, CV në gjuhën Angleze me jo më shumë se 4 faqe, duke renditur kualifikimet sipas kërkesave të mëposhtme.
Detyrat e Koordinatorit Lokal:
- Identifikimi dhe takimi me bizneset në zonën përkatëse gjeografike;
- Informimi dhe ndërgjegjësimi mbi reduktimin e përdorimit të plastikës (single use plastic);
- Zhvillimi i takimeve dhe aktiviteteve në zonën e përzgjedhur, si edhe raportimi i rregullt në përputhje me afatet;
- Pjesëmarrja në takime dhe diskutime për të ofruar përditësime mbi aktivitetet;
- Zhvillimi dhe zbatimi i strategjive për të rritur angazhimin dhe pjesëmarrjen e komunitetit.
Kualifikimet:
- I preferuar Arsimi i lartë ose arsim profesional në fushat: Komunikim, Biznes/Sipërmarrje, Shkenca Mjedisore, Shkenca Sociale, Menaxhim ose fusha të tjera relevante;
- Njohuri të gjuhës Angleze, minimumi niveli B1;
- Përvoja e përgjithshme profesionale: 5 vjet përvojë profesionale në koordinim;
- Përvoja specifike profesionale: Përvojë në fushata sensibilizuese, komunikim me kompanitë e sektorit privat;
Personat e përzgjedhur në secilën prej zonave, do të njoftohen nëpërmjet e-mailit.
