Rritja e ndërgjegjësimit për COVID-19

Donator: Agjencia Zvicerane për Zhvillim dhe Bashkëpunim SDC

Kohëzgjatja: Prill – Nëntor 2020

Zonat: Në të gjithë Shqipërinë

Përmbledhje e projektit

Shoqata Together for Life përmbylli me sukses projektin “Rritja e ndërgjegjësimit për COVID-19”, mbështetur nga Agjencia Zvicerane për Zhvillim dhe Bashkëpunim SDC.

TFL, si organizata e parë në vend që merret me të drejtat e pacientëve, ndërmori nismën për krijimin e një faqe informative COVID-19 në platformën Shendeti.com.al, për informimin në kohë reale dhe nga burime të besueshme të shtetasve shqiptarë.
Përgjatë kësaj periudhe është:

  • zhvilluar një fushatë onlineme informacione shëndetësore të sigurta dhe të sakta nga burime të besueshme, si Organizata Botërore e Shëndetësisë, CDC, Ministria e Shëndetësisë dhe Mbrojtjes Sociale, Instituti i Shëndetit Publik etj.
  • siguruar këshillim online nga mjekët specialistë për pacientët kronikë(pacientët me diabet, sëmundje të mushkërive, probleme kardiovaskulare, pacientët me hepatit) si një nga grupet më të rrezikuara nga pandemia COVID-19.
  • siguruar informacion mbi masat e reja të ndërmarra nga qeveria shqiptare për parandalimin e përhapjes së COVID-19, planet e veprimit për parandalimin, përgatitjen dhe përgjigjen kundër COVID-19, krahasim dhe analizim i informacionit në nivel rajonal, intervista me ekspertë të shëndetësisë etj.

Fakte dhe arritje

  • Një faqe informative COVID-19 krijuar në platformën online “Shëndeti.com.al”.
  • Informacion i përditësuar i situatës së pandemisë COVID-19 në botë, Evropë dhe Shqipëri. Krahasim dhe analizim i informacionit në nivel rajonal.
  • 1485 shkrime informuese të publikuara në kategorinë COVID-19.
  • 50 intervista ekskluzive me mjekët shqiptarë.
  • 8 podcaste të realizuara me mjekët.
  • 1,671,434 klikime nga 17 prill 2020 deri 21 janar 2021 në platformën shëndeti.com.al
  • Publikimet e arritura tek më shumë se 40,000 njerëz çdo javë përmes rrjeteve sociale.