RRETH NESH
Shoqata Together for Life (TFL) është një organizatë jo politike, joqeveritare dhe jofitimprurëse, e themeluar në fund të vitit 2009 si një nismë e një grupi gazetarësh. TFL është formuar si shoqatë me anëtarësi.
Misioni i saj është promovimi dhe mbrojtja e të drejtave të individëve dhe shtresave në nevojë të shoqërisë, mbështetja e familjes dhe komunitetit, me synimin e integrimit dhe përmirësimit të cilësisë së individëve, familjeve dhe shtresave në nevojë, me foks të veçantë fëmijët, të rinjtë dhe gratë në nevojë/grupeve në risk. TFL ka ndërmarrë një sërë projektesh dhe aktivitetesh novatore dhe të suksesshme.
Ajo njihet si një ndër organizatat e para më të spikatura në Shqipëri për mbrojtjen e të drejtave të pacientëve; si dhe ka zgjeruar aktivitetin e saj duke kontribuar si pjesë e shoqërisë civile për mbrojtjen e të drejtave të njeriut; me fokus të veçantë grupet vulnerable, komunitetet që jetojnë në zonat rurale ose ekonomikisht më pak të favorizuara; gratë dhe të rinjtë.
Shoqata Together for Life që në fillesat e saj ka luajtur një rol aktiv në një zhvillim më të mirë socio-ekonomik dhe kulturor të shoqërisë përmes një qasjeje të bazuar në të drejtat. TFL ka menaxhuar dhe zbatuar me sukses projekte për të drejtat e njeriut, të drejtat e pacientëve; të drejtat e punës; fuqizimin ekonomik, mirëqeverisje, dhe ka disa arritje të mira.
TFL është themeluar mbi bazën e transparencës; punës në grup; angazhimit dhe efikasitetit bazuar në parimet e zhvillimit dhe koordinimit të të gjithë palëve të interesuara në procesin e zhvillimit.
Misioni & Vizioni
Struktura organizative
TFL drejtohet nga Asambleja e Anëtarëve (pesë persona).
Të punësuar janë 11 persona me kohë të plotë
- Drejtori Ekzekutiv
- Përgjegjës i politikave dhe fond-mbledhjes
- Oficer i financës dhe administrimit (3 persona)
- Menaxher Projekti – për Qeverisjen e Mirë dhe të Drejtat e Njeriut
- Menaxher Projekti – për Shëndetësinë dhe Çështjet Sociale
- Menaxher Projekti – për Rininë dhe Vizibilitetin
- Koordinator Projekti
- Koordinator Projekti
- Gazetar për shëndetësinë dhe çështjet sociale
Ne punojmë kryesisht me aktorët e mëposhtëm lokalë:
✅ Individë dhe komunitete, veçanërisht nga grupet e disavantazhuara, me fokus gratë dhe vajzat. Bashkëpunojmë ngushtë me komunitetet për t’i mbështetur ato dhe për të siguruar qëndrueshmëri në nismën tonë. Punojmë me aktorë të ndryshëm, si: gratë, rinia, pacientët, punëmarrësit, pakicat etnike, popullatat në zonat e pafavorizuara; etj. TFL mbështetet në rrjetin e bashkëpunëtorëve të saj dhe promovon krijimin e lidhjeve më të ngushta dhe marrëdhënieve afatgjata me të gjithë aktorët.
✅ Institucionet shtetërore kombëtare dhe lokale; si dhe partnerë ndërkombëtarë dhe donatorë. Gjejmë mbështetje tek institucionet publike që kontribuojnë në arritjen e objektivave në kuadër të promovimit të të drejtave të njeriut. Objektivat tanë janë në përputhje me strategjitë dhe përparësitë kombëtare të agjendës së integrimit në BE, dhe në të njëjtën kohë monitorojmë dhe luajmë një rol vëzhgues në nismat e qeverisë, për t’u siguruar që janë në përputhje me normat ndërkombëtare dhe kombëtare të të drejtave të njeriut.
✅Shoqëria civile dhe media: Bashkëpunojmë me shoqërinë civile dhe kryesisht median për të arritur tek komunitetet dhe rritur ndërgjegjësimin mbi çështje që lidhen me të drejtat e njeriut.
ASAMBLEJA E ANËTARËVE
ENTELA BARJAMAJ
Entela është gazetare investigative me eksperiencë të gjatë në televizionet kombëtare shqiptare si: Top Channel, A1 Television, Ora News, A1 Report etj. Në 2009 ajo kreu studimet e larta në gazetari dhe në 2017 përfundoi studimet e Masterit në Marrëdhënie me Publikun, te Fakulteti i Historisë dhe Filologjisë në Universitetin e Tiranës. Entela ka fituar çmime prestigjioze për kontributin e saj në gazetari. Unioni i gazetarëve i dha asaj çmimin “Vangjush Gambeta” 2023 për dokumentarin e saj “Bordi i (Jo) Transparencës”. OSCE në Shqipëri i dha asaj çmimin për artikullin më të mirë në fushën e shëndetësisë. Dokumentari i saj investigativ “Mashtrimi me pilula – Recetat e pacientëve mbushen me suplemente fiktive”, fokusohet në një tematikë shumë të ndjeshme për publikun e përgjithshëm: recetat mjekësore dhe sasitë e mëdha të suplementeve që konsumon shtetasi shqiptar në vend të pilulave mjekësore.
SILVIA DERVISHI
Silvia ka studiuar Marrëdhënie Ndërkombëtare në Universitetin Europian të Tiranës. Që nga 2018, ajo ka qenë anëtare e stafit të organizatës Beyond Barriers dhe aktualisht është menaxhere programi. Kjo organizatë jo-fitimprurëse punon me të rinjtë në nivelet kombëtare, rajonale dhe europiane, duke promovuar përfshirjen dhe aftësitë nëpërmjet arsimimit jo formal. Silva ka marrë pjesë në një sërë trajnimesh të fushës së saj të punës. Ia vlen të përmendet pjesëmarrja e saj në kursin e gjatë të trajnimit mbi të drejtat sociale të titulluar Enter!, nga shtatori 2021 deri në tetor 2022, të organizuar nga Këshilli i Europës. Kursi ofron trajnim plotësues për punonjësit rinor dhe për ata që punojnë ne politikat rinore për të promovuar të drejtat e të rinjve.
AMBRI PELINKU
Ambri ka mbaruar studimet për Arkitekturë në Universitetin e Politeknikut në Tiranë. Ai ka 9 vite eksperiencë pune me disa kompani, kryesisht në pozicione manaxheriale. Ambri gjithashtu ka qenë një anëtar aktiv i një sërë organizatash të shoqërisë civile. Si një njohës shumë i mirë i programeve të dizenjimit, ai ka dhënë kontribut të çmuar në rritjen e vizibilitetit të punës që këto organizata bëjnë.
Znj. RAIMONDA DALIPAJ
Raimonda ka mbyllur studimet Bachelor për financë në Fakultetin e Ekonomisë, tek Universiteti i Tiranës. Për shumë vite ajo ka mbajtur pozicionin e oficeres financiare në organizata të shoqërisë civile si: Masmedia dhe Environment Association, Eco-Monitoring Group Center etj. Ndërkohë ka punuar edhe si specialiste aviacionit tek Albcontroll, Aeroporti Ndërkombëtar i Tiranës, si dhe specialiste e programeve të mbrojtjes tek Forcat Ajrore.
Stafi i TFL
Eglantina Bardhi
Drejtore Ekzekutive
Reta Pinderi
Drejtore Programesh
Suela Topi
Menaxhere e financës
Alma Lahe
Menaxhere Projektesh
Ardita Keraj
Menaxhere Projektesh
Eglantina Bardhi
Eglantina Bardhi është një nga themelueset e organizatës "Together for Life" dhe aktualisht mban postin e Drejtorit Ekzekutiv. Ajo ka një përvojë të gjatë si gazetare, duke mbuluar sektorin e shëndetësisë dhe çështjet sociale në gazeta si “Shekulli” dhe “Balkan” si dhe ka ndjekur trajnime në Gazetari Investigative dhe mbi disa çështje të të Drejtave të Njeriut në Institutin Shqiptar të Medias. Që nga viti 2009 ajo ka qenë përgjegjëse për menaxhimin dhe koordinimin e disa projekteve, me një fokus të veçantë në projekte që lidhen me shëndetësinë dhe median. Në vitin 2014 ajo u vlerësua nga Ambasada Amerikane në Tiranë për krijimin e Klubit të Gazetarëve për Shëndetësinë dhe Çështjet Sociale, ndërsa në vitin 2011 ishte përgjegjëse për themelimin e gazetës së parë të shëndetësisë “Shëndet+”, mbështetur financiarisht nga zyra e Organizatës Botërore të Shëndetësisë në Tiranë. Eglantina vazhdon të marrë pjesë në nivel kombëtar në forume dhe diskutime të aktivistëve që lidhen me temat në fokus të organizatës, veçanërisht shëndetësinë dhe median. Ajo ka një diplomë Master në Shëndet Publik dhe një diplomë në Drejtësi (BA) nga Universiteti i Tiranës. Ajo është vlerësuar nga USAID si krijuesja e Klubit të Gazetarëve të Shëndetit në Shqipëri, 2014; vlerësuar si Gazetarja më e Mirë e Çështjeve Sociale nga Ministria e Punës, Çështjeve Sociale dhe Mundësive të Barabarta, 2010; vlerësuar si Gazetarja e Vitit e Gazetës Kombëtare Ditore "Shekulli", 2009; vlerësuar nga Ministria e Shëndetësisë si gazetarja më e mirë e sektorit të Shëndetësisë në Mediat e Shkruara, 2007; Klubi i Gazetarëve të Shëndetësisë, certifikuar nga USAID etj.
Reta Pinderi
Reta Pinderi iu bashkua ekipit të “Together for Life” në Nëntor 2023. Ajo është diplomuar për Punë Sociale në vitin 2004 pranë Fakultetit të Shkencave Sociale, Universiteti i Tiranës. Në vitin 2008 ka përfunduar studimet Master në Punë Sociale dhe në vitin 2018 ka marrë gradën shkencore Doktor në Punë Sociale me disertacionin: “Sfidat e përfshirjes së viktimave të trafikimit të shfrytëzuara për qëllime seksuale në tregun formal të punës”. Reta ka 19 vite përvojë pune me organizata të shoqërisë civile, duke mbajtur kryesisht pozicione koordinuese. Ajo ka një angazhim 11-vjeçar si pedagoge pranë universiteteve publike dhe private në Shqipëri. Reta është një njohëse shume e mirë e praktikës së punës sociale me grupet vulnerabël, veçanërisht me gratë, të rinjtë dhe fëmijët.
Suela Topi
Suela holds a master’s degree in Philology and Literature in 2003 and a master’s degree in Business Management in 2015. Suela has 21 years of working experience and from these 8 years in Civil Society Organizations as a Program Manager and Administrative & Finance Manager. During her professional life, she has increased her experience in financial matters, national and international procurement procedures and other administrative tasks regarding EU Funds, IPA Cross Border Programs and other funds from Public Bodies. Also, Suela has gained extended experience and has developed essential skills in Project Design & Project’ Development with special focus for vulnerable groups, community empowerment, social inclusion, tourism marketing development, initiatives that reduce informality toward a market oriented etc.
Alma Lahe
Ardita Keraj (Korriku) ka përfunduar studimet e larta për Psikologji dhe Master Shkencor për Psikologji Klinike në 2012. Më pas i ka thelluar njohuritë nëpërmjet specializimit 3 vjeçar për Terapinë e Njohjes dhe Sjelljes, duke marrë titullin Psikoterapiste. Përtej praktikës private, ajo është pjesë e shoqërisë civile që prej vitit 2010 me pozicione të ndryshme si terapiste ekupacionale, operatore educative, psikologe dhe prej shumë vitesh menaxhere projektesh në fushën e mbrojtjes së fëmijëve, anti-trafikimit të qënieve njerëzore, përfshirjes sociale të grupeve vulnerabël, fuqizimit të komunitetit,dhe së fundmi në fushën e shëndetësisë. Zj. Keraj i është bashkuar TFL si menaxhere e projektit SOLIDAR-Bashkë në emergjencat shëndetësore, që prej Prillit të 2024. Ajo menaxhon programin e Emergjencave dhe Angazhimit Komunitar.
Ardita Keraj
Ardita Keraj (Korriku) ka përfunduar studimet e larta për Psikologji dhe Master Shkencor për Psikologji Klinike në 2012. Më pas i ka thelluar njohuritë nëpërmjet specializimit 3 vjeçar për Terapinë e Njohjes dhe Sjelljes, duke marrë titullin Psikoterapiste. Përtej praktikës private, ajo është pjesë e shoqërisë civile që prej vitit 2010 me pozicione të ndryshme si terapiste ekupacionale, operatore educative, psikologe dhe prej shumë vitesh menaxhere projektesh në fushën e mbrojtjes së fëmijëve, anti-trafikimit të qënieve njerëzore, përfshirjes sociale të grupeve vulnerabël, fuqizimit të komunitetit,dhe së fundmi në fushën e shëndetësisë. Zj. Keraj i është bashkuar TFL si menaxhere e projektit SOLIDAR-Bashkë në emergjencat shëndetësore, që prej Prillit të 2024. Ajo menaxhon programin e Emergjencave dhe Angazhimit Komunitar.
Blertina Koka
Menaxhere Projektesh
Redina Cuka
Financiere
Redina Çanaku
Kordinatore Projektesh
Kriselda Dedndreaj
Kordinatore Projektesh
Anisa Daci
Specialiste Komunikimi
Blertina Koka
Blertina Koka është një eksperte e komunikimit dhe vizibilitetit me përvojë të gjerë në dizajn grafik, prodhim video, marketing dixhital, menaxhim të rrjeteve sociale dhe krijimin e përmbajtjes dixhitale. Me aftësi të shkëlqyera në programe si Photoshop, Canva dhe Adobe Premiere, ajo është në gjendje të krijojë materiale vizuale tërheqëse që tërheqin vëmendjen e audiencës së synuar. Ekspertiza e saj në marketingun dixhital përfshin zhvillimin dhe zbatimin e fushatave të marketingut me email, menaxhimin e platformave të rrjeteve sociale, krijimin dhe zbatimin e strategjive SEO, si dhe analizën e trafikut dhe performancës së faqeve web. Si Eksperte e Komunikimit dhe Vizibilitetit pranë organizatës “Together for Life” prej disa vitesh, ajo është përgjegjëse për planifikimin, koordinimin dhe zbatimin e aktiviteteve të ndryshme të vizibilitetit dhe promovimit për projektet e mbështetura nga donatorë të ndryshëm, përfshirë BE-në, OBSH-në, EYF-në, Ambasadën Britanike, etj. Këto aktivitete përfshijnë dizajnimin dhe prodhimin e materialeve të ndryshme si fletëpalosje, broshura, buletine dhe video për të promovuar këto projekte dhe për të rritur vizibilitetin e tyre. Blertina mban pozicionin e Menaxheres së Rrjeteve Ndërkombëtare dhe Partneriteteve në organizatën “Together for Life”. Në këtë rol, ajo është përgjegjëse për planifikimin dhe menaxhimin e projekteve të ndryshme në kuadër të programeve të BE-së. Ajo ka koordinuar shumë projekte Erasmus të zbatuara nga “Together for Life” si koordinatore dhe përfituese, si “Power on Competencies” dhe “Acting Youth GET-SMACT”, me qëllim pajisjen e punonjësve të rinj me aftësi dhe kompetenca për fuqizimin e të rinjve me më pak mundësi për të marrë pjesë në mënyrë aktive në nivelet lokale, kombëtare dhe evropiane përmes përdorimit të mjeteve të reja mediatike. Gjithashtu, për të ndërtuar aftësitë dhe kapacitetet e punonjësve të rinj për të vlerësuar dhe për të pasur një kuptim kritik mbi median, si dhe për të ndërvepruar me të. Ajo është një eksperte e komunikimit dhe vizibilitetit me aftësi të shkëlqyera në krijimin e përmbajtjes dixhitale, dizajn grafik, prodhim video, marketing dixhital dhe menaxhim të rrjeteve sociale. Aftësitë e saj të forta në komunikimin e shkruar dhe verbal i mundësojnë krijimin e një game të gjerë përmbajtjesh që angazhojnë audiencën dhe japin rezultate.
Redina Cuka
Redina Çuka ka përfunduar studimet Bachelor (2011 -2014) dhe Master (2014-2016) në Financë dhe Kontabilitet në Fakultetin e Ekonomisë, Universiteti i Tiranës. Me përvojë profesionale që nga viti 2015, ajo ka mbajtur role të ndryshme në fushën e financës dhe kontabilitetit. Aktualisht punon si Oficere Finance pranë shoqatës "Together for Life", ku është përgjegjëse për mbajtjen e kontabilitetit, përgatitjen e raporteve financiare, menaxhimin e likuiditetit dhe hartimin e buxheteve për projekte. Gjithashtu, ajo siguron organizimin e dokumentacionit financiare dhe asiston në auditime për të garantuar transparencë dhe përputhshmëri financiare.
Redina Çanaku
Redina Çanaku ka përfunduar studimet Bachelor në Psikologji (2009 – 2012) dhe Master në Psikologji Klinike (2012-2014), diplomuar në Universitetin e Tiranës - Fakulteti i Shkencave Sociale. Ka një eksperiencë 10-vjeçare në fushën e shoqërisë civile, duke filluar që nga periudha e përfundimit të studimeve gjatë së cilës është angazhuar si Koordinatore vullnetare dhe mësuese vullnetare e gjuhës Angleze për fëmijë në programe në zbatuara nga OJF të ndryshme në Tiranë me fokus fuqizimin e të rinjve dhe grupeve vulnerabël përmes edukimit me metoda informale. Për një periudhë 6-vjeçare, Redina ka punuar si Koordinatore terreni dhe Menaxhere projekti pranë Shoqatës CoDe Albania – Coherent Development Albania në Tiranë, gjatë së cilës ka koodinuar dhe menaxhuar projekte të zbatuara në zona të ndryshme të Shqipërisë, kryesisht me fokus në fushën e fuqizimit dhe integrimit socio-ekonomik të target-grup grupeve vulnerabël si personat me AK, të kthyerit nga migrimi, të rinjtë nga zonat rurale, etj. Që nga muaji Tetor 2022, ajo punon pranë Shoqatës Together for Life në Tiranë, e angazhuar në koordinimin dhe zbatimin e projekteve në fushën e barazisë gjinore/fuqizimit të gruas, shëndetësisë, transparencës & llogaridhënies, në zona të ndryshme të Shqipërisë, mbështetur nga donatorë ndërkombëtarë. Puna e saj në terren përgjatë viteve lidhur me fuqizimin e kapaciteteve, promovimin e të drejtave njerëzore, organizimin e komunitetit dhe ndërveprimin/ndërtimin e dialogut me aktorët e ndryshëm dhe grupet e interesit, ka ndikuar pozitivisht në rritjen e saj profesionale.
Kriselda Dedndreaj
23 vjeç, ka përfunduar studimet e larta në nivelin Master i Integruar në Drejtësi në vitin 2024, në Fakultetin e Drejtësisë, Universiteti i Tiranës. Prej vitesh, ajo është angazhuar në shoqërinë civile, duke mbështetur kauza të ndryshme, veçanërisht ato që lidhen me çështjet studentore dhe barazinë gjinore, ku është fokusuar edhe interesi i saj më i lartë. Gjatë viteve, Kriselda ka qenë pjesë e organizatave studentore, duke luajtur një rol aktiv në mbrojtjen e të drejtave dhe interesave të studentëve. Aktualisht, ajo punon pranë organizatës Together for Life, ku mban rolin e Koordinatores së Projekteve për Transparencë dhe Llogaridhënie, duke kontribuar në forcimin e mekanizmave demokratikë dhe rritjen e ndërgjegjësimit mbi përgjegjësinë institucionale.
Anisa Daci
Ka përfunduar studimet e larta për Gazetari dhe Komunikim dhe Master i Shkencave për Marrëdhënie me Publikun në Universitetin e Tiranës. Anisa ka rreth 10 vite eksperiencë në mediat online & kompani marketingu dhe ndan ekspertizën e saj si Facilituese në trajnime dhe workshop mbi Edukimin për Median dhe Informacionin. Si Specialiste Komunikimi në shoqatën Together for Life është përgjegjëse për koordinimin dhe zbatimin e strategjive të komunikimit për projektet, që zbatohen për të rritur vizibilitetin dhe ndikimin në grupet e synuara.
Donatorët
Kontakt
Adresa
Adresa: Rr. Brigada VIII, Pallati Jeshil Tekno-Projekt, shk.2, Ap.13, Tiranë
Celular
(+355) 069 206 6522
info@togetherforlife.org.al