Përshkrimi i shkurtër
Organizata “Together for Life” kërkon të punësojë një Menaxher programi, i cili/ e cila do të jetë përgjegjës për drejtimin, zhvillimin dhe zbatimin e programit/ projekteve që zbaton organizata. Menaxheri/ja i raporton direkt Drejtorit Ekzekutiv. Ai/ajo punon ngushtë me departamentin e financës dhe pjesën tjetër të stafit në pozicione menaxheriale.
Përgjegjësitë dhe detyrat
- Ka përgjegjësi direkte për ecurinë e përgjithshme të programit/ projekteve që zbaton TFL dhe ruan komunikim korrekt me donatorët e këtij programi.
- Koordinon e mbikëqyr zbatimin cilësor të programit/ projekteve të organizatës dhe ndjek, sipas nevojës, aktivitetet përkatëse të këtyre projekteve.
- Supervizon stafin në varësi (nëse ka) dhe sigurohet që rregullat dhe standartet e vendosora nga donatori të zbatohen me korrektësi.
- Siguron që program/ projektet të arrijnë objektivat dhe rezultatet e parashikuara.
- Siguron përgatitjen brenda afateve dhe me cilësi të raporteve ndërmjetëse/ finale që kërkohen nga donatorët.
- Delegon detyrat tek koordinatorët e projektit, duke siguruar ndarjen e duhur të detyrave.
- Angazhohet aktivisht në shkrimin e projekteve të lidhura me fushat e aktivitetit të TFL.
- Merr pjesë në procesin e rekrutimit të ekspertëve/ stafit që duhen angazhuar në projektet e organizatës, sipas nevojës.
- Përfaqëson TFL në takime me institucione të ndryshme, si edhe në aktivitete me partnerë ose donatorë.
- Detyra të tjera që mund të caktohen nga Drejtori Ekzekutiv.
Kualifikimet dhe aftësitë e kërkuara:
- Diplomë universitare në shkenca mjedisore, sociale ose fusha të tjera të ngjashme. (Preferencë do u jepet kandidatëve me diplomë Masteri).
- Të paktën 5 vjet përvojë profesionale në ciklin e menaxhimit të projekteve, në organizata të shoqërisë civile kombëtare dhe/ose lokale dhe eksperiencë në marrëdhënie me disa partnerë e donatorë njëherësh.
- Aftësi shumë të mira komunikimi, organizative, planifikuese dhe koordinuese.
- Person i pavarur dhe i besueshëm, i aftë të punojë nën presion.
- Aftësi për të punuar në ekip.
- Njohuri shumë të mira të gjuhës angleze, të folur dhe të shkruar. Njohja e një gjuhe të dytë të BE-së përbën avantazh.
- Aftësi të mira në menaxhimin e kohës dhe vendosjen e prioriteteve.
- Fleksibiletet për të udhëtuar jashtë Tiranë.
- Njohuri të avancuara të MS Office suite.
- Leje drejtimi, shofer aktiv.
APLIKIMI
Kandidatët e interesuar mund të dërgojnë CV-në e tyre në gjuhën angleze në adresën: info@togetherforlife.org.al, duke vendosur në titullin e e-mailit “Kandidat/e për postin Menaxher/e Programi”.
Afati i aplikimit: 19 Janar 2026
Ju lutemi mbani në konsideratë që vetëm kandidatët e përzgjedhur do të kontaktohen.
