Sot u zhvillua konferenca “Forcimi i Demokracisë Pjesëmarrëse përmes Fuqizimit të Shoqërisë Civile”, aktiviteti final i projektit “Mbështesim Pjesëmarrjen, Përgjegjësinë dhe Fuqizimin e Shoqërisë Civile – SPACE”, financuar nga Bashkimi Europian dhe zbatuar nga Together for Life, BIRN Albania, Qëndresa Qytetare dhe Qendra për Ekselencë “Destiny”.
Konferenca mblodhi organizata të shoqërisë civile, median, institucione të pavarura, përfaqësues të pushtetit vendor, sektorit të shëndetësisë dhe arsimit, si dhe anëtarë të komunitetit.Pjesemarresit theksuan ndikimin e projektit në:
forcimin e transparencës dhe llogaridhënies në nivel lokal dhe qendror; përmirësimin e qeverisjes dhe shërbimeve publike në shëndetësi dhe arsim; rritjen e pjesëmarrjes së komunitetit në proceset vendimmarrëse; fuqizimin e shoqërisë civile në advokim të bazuar në prova dhe monitorim të politikave publike.
Konferenca u përshëndet nga:
Znj. Valerie COVIC, Delegacioni Europian në Shqipëri Z. Oltjon Muzaka, Zv/Ministër i Shëndetësisë dhe Mirëqenies Sociale Znj. Elona Hoxhaj, Komisioneri për të Drejtën e Informimit
Aktiviteti ishte një moment i rëndësishëm reflektimi mbi arritjet dhe sfidat e projektit, duke theksuar nevojën për të vijuar përpjekjet në ndërtimin e një mjedisi më të favorshëm për zhvillimin e shoqërisë civile në Shqipëri.Rezultatet e SPACE tregojnë se një shoqëri civile e fuqizuar është thelbësore për qeverisje transparente, llogaridhënëse dhe gjithëpërfshirëse.
