Titulli i projektit: MSHMS – Mbro shëndetin, menaxho sfidat
Vendndodhja e projektit – Në gjithë Shqipërinë
Kohëzgjatja totale e projektit – 9 muaj
Objektivat e projektit
- Të kontribuojë në rritjen e aksesit në sistemin shëndetësor të të sëmurëve kronikë gjatë emergjencave shëndetësore.
- Të përfshijë çështjet e menaxhimit të sëmundjeve kronike gjatë emergjencave shëndetësore në strategjinë e re të Ministrisë së Shëndetësisë dhe Mbrojtjes Sociale.
Grupi (et) e targetuar
- Të sëmurët kronikë
- Stafi shëndetësor
- Ministria e Shëndetësisë dhe Mbrojtjes Sociale
- Deputetët e Komisionit të Shëndetësisë
Rezultatet e Pritshme
- Angazhimi i Ministrisë së Shëndetësisë dhe Mbrojtjes Sociale, si dhe e deputetëve të Komisionit të Shëndetësisë për përfshirjen e menaxhimit të të sëmurëve kronikë në raste pandemish/epidemish në strategjinë e re të shëndetësisë.
- Përfshirja e të sëmurëve kronikë në përgatitjen e strategjisë së re të shëndetësisë.
- Rritja e ndërgjegjësimit publik lidhur me nevojën e përfshirjes së menaxhimit të sëmundjeve kronike në rast emergjencash shëndetësore në strategjinë e re.
Aktivitetet Kryesore
- Fokus grupe dhe intervista të thelluara me grupet e interest, si: punonjësit shëndetësorë, ekspertë politikash shëndetësore, të sëmurë kronikë dhe familjarë të tyre për të identifikuar problematikat e hasura gjatë pandemisë dhe nevojat përgjatë kësaj periudhe.
- Dokument politikash, i përgatitur nga ekspertë të politikave me rekomandime për përfshirjen e një kapitulli të veçantë për menaxhimin e sëmundjeve kronike gjatë situatave të pandemi/epidemive në strategjinë e re të Ministrisë së Shëndetësisë dhe Mbrojtjes Sociale (MSHMS), marrë parasysh sugjerimet më të fundit të OBSH-së dhe Komisionit Evropian.
- Takime me përfaqësues të parlamentit dhe Ministrisë së Shëndetësisë dhe Çështjeve Sociale për përfshirjen e një kapitulli të veçantë për menaxhimin e sëmundjeve kronike në strategjinë e MSHMS-së.
- Fushatë mediatike për prezantimin e dokumentit të politikave dhe rekomandimeve dhe ushtrim presioni për ndryshimin e politikave përmes shkrimeve në media.
